Hoxe, Día Internacional contra a Violencia de Xénero, os nenos e nenas de quinto e sexto (cada curso na súa aula) viron o video "SIRA e a illa, Como mudar o mundo cunha barquiña de papel" unha narración poética de Palmira Castro desde o seu proxecto mimadriña que fomenta a igualdade e a xustiza entre mulleres e homes e entre todos os pobos.
Este video que estivo en aberto do 9 ao 25 de novembro na páxina Defronte.gal. conta a historia dunha nena que sempre tivo claro que quería facer, ser e sentir por ela mesma.
No video Sira soltaba barquiños de papel no mar. Eles tamén fixeron uns fermosos barquiños de papel nos que escribiron palabras bonitas como respecto, amor, amizade, confianza, ... E todos estes barquiños pegáronlos en dous barquiños máis grandes que se puxeron na entrada do noso colexio.
