CORRELINGUA

Foto do Concello de Narón

Hoxe todo o cole fomos ao Auditorio de Narón onde se celebrou o Correlingua 2019 co lema "O galego é a fórmula".

Como chovía, entramos directamente no auditorio onde a actriz Isabel Risco presentou o acto. Alí. escoitamos ao alumnado do CEIP de Centierias de Fene lendo o manifesto, vimos os videos gañadores da edición deste ano e disfrutamos da actuación de Paco Nogueiras.

VIDEOCONFERENCIA CON IRIA MISA

Fonte da imaxe

Outra das actividades que fixemos por mor do día do libro, foi unha videoconferencia por Skype con Iria Misa a autora de "Mamá, quero ser Ziggy Stardust", un dos libros que o alumnado de quinto e sexto leu no Club de Lectura. 

Foi moi emocionante para eles poder falar con ela e que lles respondera a todas as súas preguntas tanto da súa vida como da novela. 

MOITAS GRAZAS, IRIA!!!!!

OS MAIOS

Hoxe, o alumnado que non foi á Marcha Ciclista, foi a Albarón para participar na elaboración dos maios que organizaba o Concello de Neda. Que divertido!

E sabedes que?

Gañamos este trofeo polos nosos maios!!!!!!!

8 DE MARZO: MULLERES GALEGAS NO DEPORTE

Desde o Equipo de Normalización Lingüística e a área de Educación Física, se propuxo para a semana do 8 de marzo,pescudar información sobre mulleres galegas que destacaron nalgún deporte e con ela escribir a súa biografía, facer un collage de fotos, un debuxo ... para colocar polas ventás do noso ximnasio.

Este é o traballo que fixemos os nenos e nenas do terceiro ciclo:

CONTACONTOS DO COCIÑERO MARTIÑO

Un ano máis, Iago López visitou o noso centro para contarnos o seu novo conto "Cociñeiro Martiño e as cenorias desaparecidas". O seu público foron os nenos e nenas de educación infantil, 1º, 2º e 3º de E.P.
Algúns nenos/as axudáronlle a contar esta historia. Coma sempre, gustoulles moitísimo e disfrutaron un montón.

ENTROIDO 2019

Meco

O venres pola mañá celebramos o desfile de Entroido. Polo noso patio cuberto desfilaron grandes pintores coas súas obras. Así, puidemos ver ...

OS PINTORES DE EDUCACIÓN INFANTIL

 

OS XIRASOIS E VAN GOGH

AS OBRAS DE MIRÓ

FRIDA KAHLO E OS MONOS

AS BAILARINAS DE DEGAS E TRABALLADORES DO MUSEO

AS MENINAS E VELÁZQUEZ

OS RELOXOS BRANDOS E DALÍ

Tamén queimamos o Meco:

Podedes ver máis fotos da xornada na  Galería de fotos da páxina web do cole:

ENTROIDO 2019

CLUB DE LECTURA

Os alumnos de quinto e sexto de primaria participan nun club de lectura organizado pola Biblioteca do Centro. O primeiro libro que se leu foi: "Mamá, quero ser Ziggy Stardust".

Na primeira xuntanza, cada un contou a súa opinión sobre a lectura que lle tocou e puxeron en común as súas impresións.

DÍA DA PAZ 2019

Onte celebramos no colexio o Día Escolar da Paz e a Non Violencia. Ao longo da semana, entre todas as clases fixemos o ABECEDARIO DA PAZ, con palabras, debuxos e as nosas fotografías facendo ACROSPORT. Ollade:

E o 30, comezamos co noso tradicional programa de radio con poemas, cancións e moitas cousiñas máis relacinadas coa paz:

Despois do recreo, xuntámonos todos no patio cuberto e alí cantamos e bailamos a Danza da Paz de Mamá Cabra:

A continuación no patio de arriba, soltamos unha parella de pombiñas brancas:

E xa para rematar, os nenos e nenas de quinto e sexto de Educación Primaria ,organizaron coa axuda da profesora Bea  uns fantásticos xogos populares cos que o pasaron moi  ben.

Podedes ver as fotos da celebración na galería de fotos da nosa páxina web:

PAZ 2019

NELSON MANDELA

Por mor da día da paz, na clase de sexto estiveron investigando sobre a figura de Nelson Mandela, un gran activista pola paz . Fixeron e gravaron a súa biografía para o programa de radio da día do día da paz,  cubriron unha ficha "Se coñecese a Nelson Mandela ..." 

 E tamén fixeron un mural :

CALENDARIO 2019

Ollade que preciosidade de calendario nos quedou cos debuxos de todas as clases:

Tamén queremos compartir convosco este fermoso calendario que atopamos no Facebook de Leandro Lamas:

FELIZ 2019!

Todos os nenos e nenas do CEIP de Maciñeira, queremos desexarvos un Feliz Ano 2019 e para iso que mellor que con esta fermosa tarxeta que fixo unha alumna de sexto,  inspirada no Apalpador de Leandro Lamas:

Tamén vos deixamos este video con ilustracións e texto de Leandro Lamas e música e animación de Roberto Grandal:

BRINQUEDOS NA CAPELA

O alumnado de quinto e sexto foron hoxe de excursión ao colexio de A Capela para ver o seu museo de xoguetes tradicionais e xogar a distintos xogos populares.

Primeiro fixeron uns xoguiños de quecemento cos nosos anfitrións de terceiro e cuarto de educación primaria para romper o xeo como a cadea ou caldeiro (o xogo do stop). A continuación, dividíronse en seis grupos e foron rotando polos distintos xogos:

- Tres en raia:

- A rá:

- Os zancos:

- O peón:

- Os aros:

- As lombas:

Pasárono fenomenal!!!!!!!

25 N : Tod@s contra a Violencia de Xénero

No  do CEIP de Maciñeira estamos en contra da Violencia de Xénero por iso, os nenos de quinto e sexto de primaria participaron nunha iniciativa que partiu do CEIP Aquilino Iglesia Alvariño de Abadín e dúas mestras do CEIP Manuel Mato Vizoso de Vilalba e o CEIP Santo Estevo de Parga respectivamente.

A iniciativa consistiu en facer un mural co paxariño de twitter e o hastag #EQUALITER poñendo as mans de cada neno/a en contra a violencia de xénero e gravando un video co slogan.

Esta foi a súa participación individual:

E este é o video final coas aportacións dos 70 colexios participantes:

Ademais, o pasado venres 23 de noviembre, o alumnado de cuarto e quinto, participaron na marcha polo bo trato que un ano máis organizou o Concello de Neda e que polo mal tempo tivo lugar na Casa da Cultura:

MAGOSTO 2018

Ademais do día do Peón, o pasado venres celebramos o Magosto. Na clase de plástica fixéronse cestiños ou cucuruchos:fixemos uns cestiños aproveitando unhas caixas de plástico que gardamos o ano pasado cando tivemos a semana da froita:

Tamén decoramos a silueta dunha castaña expresando emocións diferentes para adornar o centro:

E por fin chegou a festa onde ademais de degustar ricas castañas, tamén disfrutamos do boísimo pan de Neda con chourizos asados no forno:

Podedes ver máis fotos da festa na páxina web do cole:

MAGOSTO 2018

DÍA DO PEÓN

Hoxe celebramos o día do Peón no cole. Ao longo da semana, nas clases estivemos a decorar uns peóns pequeninos para montar o peón grande que decora a porta do centro e ademais uns peóns de madeira utilizando rotuladores:

PEÓNS DE SEXTO

PEÓNS DE QUINTO

E hoxe pola mañá, fomos por grupos ao patio cuberto . Alí estaban algunhas nais e pais que nos ensinaron como poñer a corda, como agarralo e por suposto como bailalo. A algúns saiunos á primeira, outr@s bailáronos de cú e tamén houbo quen non foi capaz de bailalo pero ... sabedes que? Foi divertidísimo!!!!