CARTELEIRA MULLERES DE CINE

 

Polo día da muller traballadora, e dado que estamos co proxecto do cine, entre todas as clases creamos unha carteleira de mulleres de cine. Cada clase investigou sobre unha ou varias mulleres (dependendo da clase) relacionadas co cine: directoras, actrices, guionistas,...

DÍA DA MULLER

Polo día da Muller, cada clase escolleu unha muller célebre para facer un traballo sobre ela utilizando os libros do recanto temático da biblioteca do cole. Despois, colocamos todos os traballos nas fiestras :

8 DE MARZO: MULLERES GALEGAS NO DEPORTE

Desde o Equipo de Normalización Lingüística e a área de Educación Física, se propuxo para a semana do 8 de marzo,pescudar información sobre mulleres galegas que destacaron nalgún deporte e con ela escribir a súa biografía, facer un collage de fotos, un debuxo ... para colocar polas ventás do noso ximnasio.

Este é o traballo que fixemos os nenos e nenas do terceiro ciclo:

8 DE MARZO: REIVINDICANDO OS NOSOS DEREITOS

Fonte da imaxe

Os nenos e nenas de 5º e 6º, foron á Casa da Cultura de Neda, xunto con outros alumn@s do CEIP de San Isidro e do IES Fernando Esquío, para facer unha simulación dun Pleno Extraordinario polo Día da Muller no que reivindicar os dereitos de todas as mulleres.

Acompañadas polo Secretario do Concello, sentáronse ao redor da mesa, a Alcaldesa Paz, a Secretaría Celtia e once Conselleiras: Enma, Alba, Aitana, Carmen, Ainoa, Inés, Sara, Andrea, Érika, Lucía e Laura.

Aquí vos deixamos o audio do Pleno no que pedimos pola igualdade de salarios, rotura do teito de cristal, contra a violencia de xénero, pola nosa liberdade, pola eliminación de etiquetas sexistas e estereotipos e moitas cousas máis. Oide atentamente:



Unha foto de grupo tomada da páxina Web do Concello coas alcadesas dos tres colexios e as súas concelleiras:

E outra con todas os nenos e nenas que foron aos Plenos:

8 DE MARZO

Co gallo do Día Internacional da Muller Traballadora, esta semana os alumnos e alumnas de 4º de Educación Primaria, estiveron  investigando a vida de dez mulleres importantes na historia de Galicia, para reivindicar unha vez máis a igualdade de xénero que é algo que xa se traballa ao longo de todo o ano.

Primeiro, cada un  fixo un debuxo da protagonista da súa investigación:

A continuación, fixeron unha presentación co Impress (software libre similar ao Power Point) coa información máis relevante de cada personaxe:

E por último, cos seus debuxos xeraron uns códigos QR con UNITAG que redireccionaron á súa diapositiva para poder ler unha pequena biografía:

Para ver se funcionaban, utilizaron o móbil da súa profe e con el  "leron" os códigos coa aplicación gratuita I-nigma  pero hai moitos máis como Beetag , Up-Code, QuickMark, ...

Esta é a presentación que fixeron para que poidamos saber quen é cada unha e por que lles parecen mulleres  dignas de pertencer á historia galega: