Queredes ver as arrepiantes cabazas que trouxeron os nenos e nenas do cole? Ollade,ollade.
28/10/21
6/10/21
O RÍO BELELLE AO NATURAL
O profesor Lois Anxo Rodríguez que é o autor dunha guía titulada "O río Belelle ao natural" veu hoxe ao noso centro a visitar aos alumnos e alumnas de quinto e sexto de primaria.
Primeiro deulles unha charla sobre o ecosistema do río:
Ao finalizar, agasallounos cun exemplar da súa guía e non só iso senón que tamén llelo asinou a tod@s:
Pero a cousa non quedou aí. A continuación levounos ao río onde se convertiron en científicos por un día.
Primeiro baixaron á beira do Belelle e alí coa axuda de Lois, colleron distintos invertebrados. Despois utilizaron estes invertebrados como bioindicadores para analizar a calidade das augas do río, e sabedes que? Pois resultou que as augas do noso río son excelentes.
Tamén deron un pequeno paseo no que colleron follas das árbores próximas ao río. Había moitísimas: carballos, ameneiros, freixos, abeleiras, salgueiros, ... Coa axuda da guía, identificaron todas as follas e tamén as clasificaron. Lois contoulles que antes coa madeira desas arbores facíanse zocas e tamén pezas para os carros. Aquí vos deixamos unha pequena mostra das fotos que sacamos:
PASÁRONO FENOMENAL!
16/5/21
LETRAS GALEGAS 2021. XELA ARIAS
Como xa todos sabedes, este ano o día das Letras Galegas adícase a Xela Arias, poeta, tradutora e mestra de Lingua Castelá que naceu en Sarria (Lugo).
Nas clases, estivemos aprendendo moitas cousas sobre a súa vida e a súa obra grazas ao SEMINARIO GALÁN e á páxina da Real Academia Galega, PRIMAVERA DAS LETRAS e ademais entre todos fixemos este fermoso mural que adorna a entrada do noso centro:
Gústavos?
28/3/21
OS BOLECHAS NO CEIP DE MACIÑEIRA
Como xa todos sabedes, a RTVG2 emitiu este sábado o capítulo do seu programa Os Bolechas no cole adicado ao noso colexio. Podedes ver o programa clicando no enlace de abaixo:
Os Bolechas no CEIP de Maciñeira
Nós enviámoslles moito material pero se ve que por falta de tempo non puideron emitir todo. Por iso, dende o cole, queremos presentarvos en exclusiva ... O VIDEO COMPLETO CO TRABALLO QUE PREPARARON TODOS OS NENOS E NENAS DO COLE. Non vos perdades o saúdo e despedida dos máis pequerrechos, os nen@s de EI de 3 e 4 anos.
ESPERAMOS QUE VOS GUSTE!!!!!!!!
21/3/21
DÍA DA POESÍA
Polo día da Poesía todas as clases recitaron poemas propios ou alleos, en galego ou en castelán.
Podedes velos todos no blogue da Biblioteca:
Suscribirse a:
Entradas (Atom)